Fregnartænastugølan eisini viðgerast í Grønlandi

Fregnartænastugølan eisini viðgerast í Grønlandi
Forkvinnan í Uttanríkis- og trygdarpolitisku nevndini hjá landstinginum hevur spurt landsstýrið um málið
Aleqa Hammond er forkvinna í uttanríkis- og trygdarpolitisku nevndini í Grønlandi
 
08.09.2020 - 09:10

Gølan í fregnartænastuni hjá donsku verjuni skal nú eisini viðgerast í politisku skipanini í Grønlandi.

Forkvinnan í Uttanríkis- og trygdarpolitisku nevndini hjá landstinginum, Aleqa Hammond, hevur spurt landsstýrið, um grønlendingar eisini eru við í teimum ólógligu upplýsingunum, sum fregnartænastan skal hava útvegað sær um danskar ríkisborgarar, skrivar Sermitsiaq.

Atgongd til kaðal

Fregnartænastan hevur givið amerikonsku fregnartænastuni NSA atgongd til ein kaðal, so NSA kann taka eina rúgvu av rádátum niður við talgildum samskifti hjá donskum ríkisborgarum. 

Samskiftið umfatar millum annað telefonsamrøður, teldupostar, sms-boð og kjatt.

Hetta er komið fram í kanning, sum TET, stovnurin, sum hevur eftirlit við fregnartænastum, hevur gjørt.

Jenis biðin um at spyrja

Í síðstu viku upplýsti Bárður á Steig Nielsen, løgmaður, í løgtinginum, at hann hevur biðið landsstýrismannin í uttanríkismálum, Jenis av Rana,  kannað, um føroyingar eru við í teimum upplýsingum, sum NSA hevur fingið.

Løgmaður segði eisini í tinginum mikudagin í farnu viku, at hann hevur einki frætt úr Danmark um hetta málið.
   
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858