Semingsuppskot um nýggjan sáttmála

Semingsuppskot um nýggjan sáttmála
Partarnir fingu semingsuppskot í nátt, og skulu svara Semingsstovninum í morgin
Semingsmenninir hava gjørt eitt heilt nýtt uppskot um sáttmála millum Lønardeildina og felagið hjá sjúkrarøktarfrøðingunum
Mynd: Bjarni Árting Rubeksen  
 
06.10.2020 - 11:15

Klokkan tvey í morgin skulu Lønardeildin og felagið hjá sjúkrarøktarfrøðingunum svara Semingsstovninum, um tey taka av semingsuppskotinum, sum tey fingu í nátt.

Tað vanliga er at gera broytingar í gamla sáttmálanum. Men hetta semingsuppskotið er øðrvísi, tí her er talan um heilt nýggjan sáttmála.

Partarnir hittust aftur í gjáramorgunin klokkan níggju.

Og klokkan eitt í nátt kom semingsuppskotið.

Roynt semju í eina viku

Fríggjadagin í næstsíðstu viku varð Semingsstovnurin boðsendur, tí Fíggjarmálaráðið og felagið hjá sjúkrarøktarfrøðingunum ikki funnu semju um nýggjan sáttmála.

Og mánadagin í síðstu viku byrjaði semingsroyndin.

Sáttmálin millum Felag føroyskra sjúkrarøktarfrøðinga og Lønardeildina fór úr gildi fyri einum góðum ári síðani, tann 1.oktober í fjør.

Eisini í 2017, tá tann sáttmálin varð gjørdur, var neyðugt at hava Semingsstovnin við. Og tá var verkfall.


 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652