Nýggi Kambur kemur leygardagin

04.11.2020 - 11:36
AktueltSamfelag
Nýggi Kambur kemur leygardagin
Felagið M&S Strendur hevur keypt frystilínuskipið Østerfjord úr Noregi
Østerfjord kemur fyri Kamb, sum er seldur til Vestmanna
 

Leygardagin 7. november kemur nýggi Kambur á Strendur.

Tað er felagið  M&S Strendur, sum hevur keypt norska frystilínuskipið Østerfjord. Skipið skal avloysa Kamb, sum felagið hevur selt til Vestmanna.

Østerfjord er bygdur í 1998. Hann er 46 metrar langur og 11 metrar breiður, og tekur 320 tons. 

Skipið hevur dragibrunn, sum merkir, at teir draga línuna upp gjøgnum skipið.

Skipa fyri móttøku

Frammanundan er tað bara eitt línuskip í landinum, sum hevur dragibrunn, og tað er Klakkur, sum eisini er keyptur úr Noregi. Klakkur kom til Føroya 9. januar.

Í sambandi við at nýggi Kambur kemur til Føroya, skipa Sjóvar kommuna og reiðaríið fyri almennari móttøku á havnarlagnum á Hulki. 

Á skránni eru røður og sangframførslur, og eisini verður okkurt til matna. Møguleiki verður eisini at sleppa umborð at síggja nýggja skipið.

Koronutilmælini verða fylgd, og øll vitjandi verða skrásett, skrivar Sjóvar kommuna.
 

 
Nýggjastu sendingar í ÚV
Leygardag 16. januar
Jambalaja 160121
119016
Leygardag 16. januar
Morgunlestur leygardagur 16. januar 2021
118608
Fríggjadag 15. januar
Óhoyrt
118999
Fríggjadag 15. januar
Nón 15. januar 2021
118998
Nýggjastu sendingar í SV
Mikudag 13. januar
Mentanarvirðislønir landsins 2020
118890
Mánadag 11. januar
3-2
118764
Mánadag 11. januar
Í luftini við Raske Drenge
118754
Sunnudag 10. januar
Andakt við Jens Bech
118703