Atlantsflog eigur eisini í ferðavinnu

03.12.2020 - 10:54
AktueltPolitikkur
Atlantsflog eigur eisini í ferðavinnu
Flogførini og tyrlurnar hjá Atlantic Airways eru bókað at vera verd 452 milliónir krónur
Atlantic Airways eigur, ella eigur í seks feløgum, sum á ein ella annan hátt fáast við ferðavinnu, millum annað í Hotel Hilton
 

Atlantic Airways fæst ikki bara við flúgving, men eisini við ferðavinnu.

Í tilfari, sum Fíggjarnevndin hjá løgtinginum hevur fingið frá flogfelagnum, sæst, at Atlantic Airways eigur, ella eigur í seks feløgum, sum á ein ella annan hátt fáast við ferðavinnu.

Atlantic Airways eigur partafelagið Hotel Atlantic 100 prosent. Hotel Atlantic leigar og rekur Hotel Hilton í Havn. Partapeningurin í Hotel Atlantic er 25 milliónir krónur

Tollfría sølan

Atlantic Airways eigur 50 prosent, tvær milliónir krónur, í Duty Free, 49 prosent, 500.000 krónur í Greengate Incoming, 31 prosent, 900.000 krónur, í Gjáargarði, 40 prosent, átta milliónir krónur, í Ognarfelagnum matr.nr.1332e, sum eigur Hotel Hilton í Havn, og 20 prosent, 212.500 krónur, í NAX.

Áður hevur flogfelagið átt í Gist og Vist, Norðlýsinum og Lakeside. Hotel Atlantic hevur sett 16 milliónir krónur í Ognarfelagið, sum eigur Hotel Hilton í Havn, 3,2 milliónir krónur í partapeningi og 12,8 milliónir krónur sum ábyrgdarlán.  

Flogførini og tyrlurnar hjá Atlantic Airways eru bókað at vera verd 452 milliónir krónur. Og felagið hevur tveir langtíðarleigusáttmálar um A320neo flogfør.

Er kopiera
Nýggjastu sendingar í ÚV
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573