Hægstirættur staðfesti revsingina

09.12.2020 - 16:25
AktueltSamfelag
Hægstirættur staðfesti revsingina
Maðurin skal vera á psykiatriskari deild uttan tíðaravmarking, ella ásetta tíð, tí dómurin skal við jøvnum millumbili endurskoðast
Hægstirættur staðfesti revsingina í nevningatinginum í Føroya rætti
 

Hægstirættur staðfesti í dag revsingina, sum ein maður fekk í einum nevningating í Føroya rætti í summar.

Revsingin er, at maðurin skal vera á psykiatriskari deild uttan tíðaravmarking, ella ásetta tíð, tí dómurin skal við jøvnum millumbili endurskoðast.

Verji mansins, Petur Even Djurhuus, helt, at revsingin var ov hørð, og hann skeyt dómin inn fyri Hægstarætt við kravi um linari revsing.

Hann bað um tíðaravmarkaðan viðgerðardóm. 

Sambært slíkum dómi kundi maðurin verið leysur um hálvt fjórða ár, tí hann hevur longu verið hálvtannað ár í varðhaldi.

Ríkisadvokaturin umboðaði ákæruvaldið í Hægstarætti.

Legði á starvsfólk

Maðurin, sum er sjúklingur á Psykiatrisku deild í Havn, var ákærdur fyri 22.juni í fjør at hava lagt á eitt starvsfólk á deildini, meðan tey gingu á gøtuni vestan fyri Sandá, sum er áin millum Havnina og Argir.

Maðurin varð ákærdur fyri drápsroynd, men frídømdur fyri hana í nevningatinginum í Havn í summar.

Hann varð tó dømdur fyri grovan harðskap í tveimum førum og vanligan harðskap í trimum førum. 

Hetta er endaligt og kann ikki roynast í hægri rætti.

Men revsingin kann roynast, og tað varð hon. Men úrslitið bleiv tað sama.
 

Er kopiera
Nýggjastu sendingar í ÚV
Mánadag 28. november
Norðurljóð 28.november 2022
148509
Mánadag 28. november
Bolero 27. november 2022
148629
Mánadag 28. november
Rokk og ró 26. november 2022
148626
Mánadag 28. november
Sambandsflokkurin í Tinginum
148603
Nýggjastu sendingar í SV
Mánadag 28. november
Andglettur: Tjóðveldi
148653
Mánadag 28. november
Sambandsflokkurin í Tinginum
148600
Sunnudag 27. november
Valfundur í Salt á Drelnesi, Tvøroyri
148566
Sunnudag 27. november
Fyrsti sunnudagur í advent
148549
Fríggjadag 25. november
Andglettur: Miðflokkurin
148521