40 prosent læna meira enn tríggjar milliónir

14.12.2020 - 15:10
AktueltPengar
40 prosent læna meira enn tríggjar milliónir
Sethúsaprísirnir hava við sær, at nógv meira verður lænt úr peningastovnunum
Í fjør læntu meira enn 40 prosent av øllum teimum, sum tóku lán, meira enn tríggjar milliónir krónur
Mynd: Savnsmynd  
 

At sethúsprísirnir eru hækkaðir seinastu árini, hevur havt við sær, at peningastovnarnir hava játtað munandi størri lán.

Í 2018 læntu 27 prosent av øllum, sum stovnaðu lán, meira enn tríggjar milliónir kr., men í fjør læntu meira enn 40 prosent av øllum teimum, sum tóku lán, meira enn tríggjar milliónir kr.

Tøl hjá Landsbankanum vísa, at í fjør hava nógv eisini lænt meira enn fýra og fimm milliónir kr. til sethús. Eitt húski kann vanliga læna hálva fjórðu ferð árligu inntøkuna fyri skatt.

Flestu húski skylda lítið

Umleið 600 húski skylda í løtuni millum tríggjar og fýra ferðir inntøkuna, 200 húski skylda millum fýra og fimm ferðir inntøkuna, og 400 húski skylda meira enn fimm ferðir inntøkuna, sigur Landsbankin.

Flestu húski hava kortini lítla skuld. 93 prosent av húskjunum skylda minni enn tríggjar ferðir inntøkuna. Tí bendir lítið á, at húski, sum hava stóra skuld, eru ein váði fyri fíggjarliga støðufestið.

Hóast tað ikki er ein váði hjá peningastovnunum, at summi húski hava stórt skuldarlutfall, kann tað hava stóran týdning fyri einstaka húskið, um mánaðarligu útreiðslurnar til lán brádliga verða ov stórar,  sigur Landsbankin.

Er kopiera
Nýggjastu sendingar í ÚV
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Mánadag 29. november
Hvønn veg skulu vit fara?
131959
Mánadag 29. november
Vit ovurnýta ein, eina og eitt
131951
Nýggjastu sendingar í SV
Mánadag 29. november
Dokumentarurin: Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Hvør veit?
131925