Manningarfeløg biðið um fund við landsstýrismannin

20.01.2021 - 14:22
AktueltSamfelag
Manningarfeløg biðið um fund við landsstýrismannin
Manningarfeløgini vilja hava 30 milliónir kr. burturav, um Northwest Pelagic fær endurgjald
Norðhavið hjá Northwest Pelagic misti veiðiloyvi, og felagið kundi tí ikki bjóða á uppboðssølunum, sum vóru
 

Manningarfeløgini hava nú biðið Jacob Vestergaard, landsstýrismann í fiskivinnumálum, um fund um endurgjaldið, sum felagið Nortwest Pelagic hevur kravt frá Fiskimálaráðnum.

Kravið er 80 milliónir kr., og harumframt krevur felagið at fáa 19.000 tons av uppsjóvarfiski.

Northwest Pelagic vil hava endurgjald, tí felagið slapp ikki at bjóða á uppsølunum, sum vóru, tí felagið hevði mist veiðiloyvið.

Felagið misti veiðiloyvið í 2016, tí Fiskimálaráðið segði, at útlendski ognarskapurin í skipinum hjá felagnum - Atlantsfarið, seinni Norðhavið - var ov stórur.

Málið endaði í rættinum, sum gav Northwest Pelagic viðhald, og felagið fekk veiðiloyvið aftur í fjør.

30 milliónir

Tey trý manningarfeløgini, Skipara- og navigatørfelagið, Fiskimannafelagið og Maskinmeistarafelagið, hava gjørt greitt, at fær Nortwest Pelagic endurgjald, vilja manningarfeløgini eisini hava burturav.

Í útvarpstíðindunum á middegi segði Jan Højgaard, formaður í Fiskimannafelagnum, at kravið hjá manningarfeløgunum er umleið 30 milliónir kr. tilsamans. 

Feløgini siga í brævinum til Jacob Vestergaard, at tey vilja hava fund við landsstýrismannin um inntøkumissin, sum manningarnar á Atlantshavinum/Norðhavinum hjá Nortwest Pelagic høvdu.

Fiskimálaráðið er farið undir samráðingar við Nortwest Pelagic um endurgjaldskravið, siga tey trý manningarfeløgini.

 

 

Er kopiera
Nýggjastu sendingar í ÚV
Leygardag 10. apríl
Jambalaja 100421
122651
Leygardag 10. apríl
Morgunlesturin leygarmorgunin 10. apríl 2021
122311
Fríggjadag 9. apríl
Morgunlesturin fríggjamorgunin 9. apríl 2021
122310
Hósdag 8. apríl
RagnarRokk 8.apríl 2021
122286
Nýggjastu sendingar í SV
Mikudag 7. apríl
í Luftini við KATA
122549
Mikudag 7. apríl
í Luftini við Son of Fortune
122548