Biden og Putin hava tosað í telefon

Biden og Putin hava tosað í telefon
Amerikanski forsetin sigur seg stúra fyri, hvat hendir russiska andstøðupolitikaranum, Navalnyj
Joe Biden, forseti, og russiski starvsbróðurin, Vladimir Putin, hava havt fyrstu telefonsamrøðuna, síðani Biden tók við sum forseti
 
27.01.2021 - 09:31

Russiski forsetin, Vladimir Putin, og amerikanski forsetin, Joe Biden, hava tosað saman fyri fyrstu ferð, síðani Biden gjørdist forseti. 

Tað váttar talsfólkið hjá Biden.

Sambært AP-tíðindastovuni, skal amerikanski forsetin hava greitt russiska forsetanum frá síni stúran um eiturálopið á andstøðupolitikaran, Alexej Navalnyj, sum varð handtikin, tá hann kom aftur til Russlands fyrr í hesum mánaðinum.

Amerikanski forsetin skal eisini hava sagt Putin, at hann stuðlar Ukraina móti tí, sum hann nevnir "russiskan ágang".

Leingja eftirlitsavtaluna

Illgrunin um, at russar løgdu seg út í amerikanska valið og telduálop á amerikanskar myndugleikar, vórðu eisini umrødd í telefonsamrøðuni, siga Hvítu Húsini.

Biden segði eisini við russiska leiðaran, at báðar tjóðirnar eiga at leingja fimm ára vápnaeftirlitsavtaluna, sum fer úr gildi í februar.

Stigið til telefonsamrøðuna tók Moskva, og Biden tók av, men hann vildi fyrst fyrireika seg við at tosa við sameindar ríkisleiðarar í Evropa,  millum annað ríkisleiðararnar í Bretlandi, Frakland og Týsklandi, skrivar AP.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (3:3)
172858