Velja umboðini í Bú- og heimatænastuna av nýggjum

01.03.2021 - 13:11
AktueltPolitikkur
Velja umboðini í Bú- og heimatænastuna av nýggjum
Umhvørvis- og vinnumálaráðið sigur, at veljast skal eftir lutfalsvalháttinum
Val av limum í Bú- og heimatænastuna er á skránni fyri býráðsfundin á Tvøroyri í kvøld
 

Tvøroyrar býráð skal í kvøld velja umboð og varaumboð í Bú- og heimatænastuna í Suðuroynni av nýggjum.

Býráðið valdi annars umboðini á býráðsfundi 4. januar. 

Men umhvørvis- og vinnumálaráðið hevur givið Tvøroyrar kommunu boð um at velja umboð og varaumboð í Bú- og heimatænastuna av nýggjum.

Veljast skulu tveir fastir limir og tveir varalimir í Bú- og heimatænastuna. 

Meirilutin bæði umboðini

4. januar helt meirilutin við Kristin Michelsen, borgarstjóra, á odda, fast við siðvenjuna, sum hevur verið, at meirilutin átti umboðini.

Minnilutin, umboðini fyri Javnaðarflokkin, førdu fram, at minnilutin átti annan fasta limin og annan varalimin í Bú- og heimatænastuni.

Men valið fór fram soleiðis sum meirilutin vildi.

Minnilutin í Tvøroyrar Býráð sendi málið til Umhvørvis- og Vinnumálaráðið, sum hevur eftirlit við kommununum.

Niðurstøðan frá Umhvørvis- og vinnumálaráðinum var, at valið skal fara fram sambært lutfalsvalháttinum. Tað vil siga, at minnilutin hevur rætt til at velja annan fasta limin, umframt ein varalim.

Býráðsfundurin á Tvøroyri verður í kvøld kl. 19.
 

Er kopiera

Sí eisini

Nýggjastu sendingar í ÚV
Mikudag 12. mai
Breddin
124186
Mikudag 12. mai
Nón 12. mai 2021
124183
Mikudag 12. mai
Góðan morgun Føroyar
124160
Mikudag 12. mai
Morgunlestur mikudagur 12. mai 2021
124014
Nýggjastu sendingar í SV
Hósdag 13. mai
Guðstænasta
124199
Hósdag 13. mai
Andaktin
124198
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018
Sunnudag 9. mai
Guðstænasta í Leirvíkar kirkju.
124011