Nú byrjar arbeiðið at gera lívfiskastøðina

21.03.2021 - 17:27
AktueltVinna
Nú byrjar arbeiðið at gera lívfiskastøðina
Maskinurnar komu til Skálavíkar í gjár
Nýggja lívfiskastøðin fer eftir ætlan at veita rogn til alt virksemið hjá Bakkafrosti í Føroyum, og part av virkseminum í Skotlandi
 

Nú verður spakin settur í fyri lívfiskastøðini í Skálavík.

Maskinurnar, sum skulu brúkast til at gera økið byggibúgvið, komu til bygdina í gjár, og fyrst í næstu viku byrjar jørðarbeiðið.

Økið, har lívfiskastøðin skal byggjast, er umleið 20.000 fermetrar stórt, og tað fer væntandi at taka útivið eitt hálvt ár at gera tað byggibúgvið.

Tað sigur Regin Jacobsen, stjóri hjá Bakkafrosti.

- Ætlanin er, at byggiarbeiðið skal byrja í oktober, og í summar verður tað arbeiðið boðið út, sigur Regin Jacobsen.

Lívfiskastøðin hjá Bakkafrosti í Skálavík skal byggjast í fleiri stigum, sigur stjórin.

Fyrsta byggistigið verður liðugt um gott og væl tvey ár, og væntandi verða øll byggistigini liðug um umleið seks ár.

Tað hevur drigið út, at byrja uppá arbeiðið. Yvirfriðingarnevndin kom upp í málið, og segði, at lívfiskastøðin í Skálavík skemmaði umhvørvið.

Tillagingar vórðu gjørdar í verkætlanini, og 11. februar gav Yvirfriðingarnevndin endaligt byggiloyvi til Bakkafrost at byggja lívfiskastøðina.

Nýggja lívfiskastøðin fer eftir ætlan at veita rogn til alt virksemið hjá Bakkafrosti í Føroyum, og part av virkseminum í Skotlandi, tá støðin er liðug.

Tað fara at starvast 20 - 25 fólk á lívfiskastøðini í Skálavík, tá øll byggistigini eru liðug, sigur Regin Jacobsen.

Er kopiera
Nýggjastu sendingar í ÚV
Mánadag 26. juli
Morgunlestur mánadagur 26. juli 2021
126392
Sunnudag 25. juli
Guðstænasta í Húsa kirkju
126884
Leygardag 24. juli
Morgunlestur leygardagur 24. juli 2021
126391
Fríggjadag 23. juli
Morgunlestur fríggjadagur 23. juli 2021
126390
Nýggjastu sendingar í SV
Leygardag 24. juli
5mf gentur, norðoyastevna 2021
126880
Leygardag 24. juli
Video: 10mf, norðoyastevna 2021
126879
Leygardag 24. juli
Video: 8mf menn, norðoyastevna 2021
126878
Leygardag 24. juli
Video: 5mf dreingir, norðoyastevna 2021
126876
Leygardag 24. juli
5mf kvinnur, norðoyastevna 2021
126875