Tíðarætlanin fyri Ternuna aftur broytt

Tíðarætlanin fyri Ternuna aftur broytt
Strandfaraskipið hevur verið til klassingar síðani í heyst, men umvælingin dregur út
Ternan hevur verið til klassingar síðani í heyst. Tað nýggjasta er, at skipið verður liðugt um mánaðarskiftið
 
13.04.2021 - 12:59

Tíðarætlanin fyri strandfaraskipið, Ternuna, heldur heldur ikki hesaferð. Nú verður sagt, at Ternan verður liðug um mánaðarskiftið, og helst ikki fyrr enn eftir 1. mai.

Tað upplýsir Jóhan Petur Abrahamsen, rakstrarleiðari á Strandferðluni.

Ternan fór til eftirlit á Klaksvíkar Sleipistøð í oktober í fjør, og skuldi vera liðug til jólar.

Klassin krevur ábøtur

Tann ætlanin helt ikki, tí so hvørt sum skipið varð kannað, komu boð um ábøtur frá klassanum, og síðani hálvan januar hevur øll umvælingin snúð seg um krøv frá klassanum, sigur rakstrarleiðarin.

Einaferð var boðað frá, at skipið skuldi vera liðugt í dymbildagavikuni. Tað helt heldur ikki.

Seinasta metingin segði, at skipið skuldi aftur í sigling um Nólsoyarfjørð millum hálvan og 20. apríl.

Men tað verður heldur ikki, og metingin nú, er, at Ternan verður klár um mánaðarskiftið.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584