Varðhaldsfongslað fyri rán

Varðhaldsfongslað fyri rán
Ein maður varð noyddur at flyta pengar á kontu, sum ikki var hansara egna
Trý fólk eru varðhaldsfongslað, skuldsett fyri rán
 
13.04.2021 - 12:20

Seint í gjárkvøldið vórðu trý fólk, ein kvinna og tveir menn, varðhaldsfongslað í 14 dagar. Tey eru skuldsett fyri rán.

Ein kvinna afturat er skuldsett, men hon er ikki varðhaldsfongslað.

Øll nokta seg sek, men onkur sigur seg tó vera partvís sekan. 

Noyddur at flyta pengar

Tað var klokkan níggju sunnumorgunin, at ein maður boðaði løgregluni frá, at hann við harðskapi varð noyddur at flyta pengar á eina kontu, sum ikki var hansara egna.

Hann visti, hvørji fólkini eru, sum rændu pengarnar. 

Tey vórðu tikin og í grundlógaravhoyring í Føroya rætti, sum byrjaði klokkan trý seinnapartin í gjár og ikki bleiv liðug fyrr enn klokkan ellivu í gjárkvøldið, vórðu tey trý fólkini varðhaldsfongslað.

Ikki samband við rúsevni

Hendingin var á einum gistingarhúsi í Havn. Fólkini eru øll ung, í tjúgunum ella yngri enn 20 ár.

Málið hevur ikki samband við rúsevni, heldur Heri Andreassen, leiðari á Kanningardeildini hjá løgregluni.  

Hann vil ikki upplýsa, hvussu nógvar pengar, maðurin,  sambært skuldsetingini, varð noyddur at flyta.

Er kopiera
Nýggjastu sendingar í ÚV
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Fríggjadag 19. apríl
Breddin: Ov nógv børn verða send av landinum
173951
Fríggjadag 19. apríl
Góðan morgun Føroyar
173942
Fríggjadag 19. apríl
«Eg eri vegurin og sannleikin og lívið»
173937
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887