G7: Øll skulu vera koppsett um eitt ár

14.06.2021 - 09:18
AktueltÚtheimurin
G7: Øll skulu vera koppsett um eitt ár
Heimsins ríkastu lond havt toppfund í Bretlandi
G7-limalondini samtyktu eisini, at heita á WHO um at seta í verk eina nýggja kanning av upprunanum til covid-19
 

Heimsins fátækastu lond fáa eina milliard covid-19-vaksinur frá G7-limalondunum. 

Tað hava limalondini bundið seg til á toppfundi í enska landspartinum Cornwall í gjár, skrivar BBC.  

- Hetta er eitt stórt stig á leiðini at koppseta allan heimin, sigur Boris Johnson, bretskur forsætisráðharri. 

Tær eina milliard vaksinurnar verða eftir ætlan latnar gjøgnum koppsetingarskipanina hjá heimsheilsustovninum, WHO.

Málsetningurin hjá G7-limalondunum er, at allur heimurin skal vera koppsettur um eitt ár. 

Kanna upprunan

G7-limalondini samtyktu eisini, at heita á WHO um at seta í verk eina nýggja kanning av upprunanum til covid-19. 

Fráboðanin kemur í kjalarvørrinum av, at amerikanski forsetin, Joe Biden, hevur sagt, at amerikanska fregnartænastan er tvíbýtt í spurninginum, um covid-19 stavar frá djórum, ella er gjørd á einari rannsóknarstovu. 

G7-limalondini eru USA, Kanada, Japan, Týskland, Bretland, Frankaríki og Italia.

Eitt umboð fyri Kina, sum ikki er limur í G7, fanst at G7-toppfundinum. 

- Smáir bólkar av londum stýra ikki longur heiminum. Tað vekir minnir um eina farna tíð, tá G7-londini taka avgerðir vegna allan heimin á hendan hátt, sigur eitt talsfólk fyri kinesisku sendistovuna í London, sambært Reuters. 


 

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750