Danmark og Ongland bresta saman í hálvfinaluni

03.07.2021 - 21:45
ÍtrótturFótbóltur
Danmark og Ongland bresta saman í hálvfinaluni
Ongland smurdi Ukraina av í Róm í kvøld. Stóri leikarin hjá Onglandi var Manchester United-bakkurin Luke Shaw, ið legði upp til tvey mál
 

Tað verður Ongland, sum Danmark skal møta í EM-hálvfinaluni, sum verður spæld á Wembley mikudagin.

Tað er greitt, eftir at Ongland í kvøld vann ein sannførandi, og lemjandi, 4-0 sigur á Ukraina. 

Ongland legði seg á odda longu í 3. minutti, tá Raheem Sterling spældi Harry Kane frían við einari framúrskarandi sending inn um ukrainsku verjuna. 

Men so hendi ikki ordiliga meira í fyrra hálvleiki. Enska liðið hevði fult tamarhald á dystinum og í løtum sást, hvussu stórur munur var á liðunum. 

Henderson skoraði loksins

Dysturin varð punkteraður í fyrsta minutti í seinna hálvleiki, tá Harry Maguire stútaði eitt innlegg frá Luke Shaw í netið.

Og Luke Shaw var aftur upp á spæl eina løtu seinni, tá hann streyk av stað í vinstru síðu og legði bóltin inn á høvdið á Harry Kane, sum stútaði bóltin í málið úr stuttari frástøðu. 

Triðja málið hjá Harry Kane, ið veruliga tykist vera vaknaður úr dvala. 

Ongland var ikki liðugt, tí tað bleiv 4-0, tá innskifti Jordan Henderson loksins skoraði sítt fyrsta landsliðsmál, tá hann stútaði eitt horna í málið. 

Klassa munur var tað, og nú verður spennandi, hvussu hálvfinalan móti Danmark fer at spæla av. 

EM-áttandapartsfinalurnar 

Leygardagin 26. juni
1: Wales - Danmark 0-4 
2: Italia - Eysturíki 2-1

Sunnudagin 27. juni
3: Holland - Kekkia 0-2
4: Belgia - Portugal 1-0

Mánadagin 28. juni
5: Kroatia - Spaina 3-5
6: Frakland - Sveis 3-3 / 4-5 eftir brotssparkskapping

Týsdagin 29. juni
7: Ongland - Týskland 2-0
8: Svøríki - Ukraina 1-2

 

Fjórðingsfinalurnar

Fríggjadagin 2. juli
Sveis - Spaina 1-1 (1-3 brotssparkskapping)
Belgia - Itala 1-2

Leygardagin 3. juli
Kekkia - Danmark 1-2
Ukraina - Ongland (21:00, Róm)

 

Hálvfinalur

Týsdagin 6. juli 
Wembley, London, kl. 20
Italia - Spaina
  
Mikudagin, 7. juli 
Wembley, London, kl. 20
Ongland - Danmark 

 

 

Er kopiera
Nýggjastu sendingar í ÚV
Mikudag 1. desember
NiviNaja 1. partur
33485
Týsdag 30. november
Tauren Wells - LIVE
132084
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Nýggjastu sendingar í SV
Mánadag 29. november
Dokumentarurin: Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Hvør veit?
131925