Streymurin og veðrið er gott til útróður

05.07.2021 - 10:09
AktueltVinna
Streymurin og veðrið er gott til útróður
Fiskiskapurin í løtuni
 

Bara tvey ísfiskalínuskip eru til fiskiskap í løtuni. Eitt er undir Føroyum, og eitt er við Ísland. 

Átta frystilínuskip eru úti, seks við Føroyar, eitt við Eysturgrønland og eitt á Flemish Kap.

Tað sigur Fiskamarknaður Føroya um fiskiskapin nú í vikuni.

Um útróður verður sagt, at streymur og veður eru góð, so útróður verður, bæði við snellu og línu.

 

Djúpvatnstrolarar royna

Tveir djúpvatnstrolarar royna, annar eftir svartkalva, og hin er á royndarveiðu eftir stinglaksi. 

Um partrolarar verður sagt, at fimm pør fiska upsa. Fiskaríið kundi verið betri. Trý pør fiska gulllaks.

Fýra trolbátar eru úti. Tveir eru á landleiðini, og tveir eru norðanfyri. Teir fáa mest flatfisk og tosk, og nakað av hýsu. 

Eitt garnaskip fiskar svartkalva og eitt fiskar havtasku. Fiskaríið er brúkiligt hjá báðum, sigur Fiskamarknaðurin.


 

Er kopiera
Nýggjastu sendingar í ÚV
Fríggjadag 22. oktober
Nón 22. oktober 2021
130273
Fríggjadag 22. oktober
Góðan morgun Føroyar 22.10.2021
130243
Fríggjadag 22. oktober
Breddin
130242
Fríggjadag 22. oktober
Morgunlestur fríggjadagur 22.oktober 2021
130229
Nýggjastu sendingar í SV
Fríggjadag 22. oktober
í Luftini við Daniu O. Tausen
130270
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065