Gevst at rógva í eitt ár

Gevst at rógva í eitt ár
Sverri Sandberg Nielsen sigur, at trýstið á kroppin er stórt, og hann hevur pínu
Sverri Sandberg Nielsen, sum gjørdist nummar fýra í OL, gevst at rógva fyribils.
 
27.08.2021 - 11:35

Rógvarin, Sverri Sandberg Nielsen, fer at steðga á í minst eitt ár frá róðrinum. Tað segði hann við Danmarks Radio fyrrapartin.

- Í løtuni havi eg tørv á at steðga á. Trýstið á kroppin er stórt, og eg havi pínu fleiri staðni, serliga í rygginum. Og so er hugurin at rógva ikki so góður í løtuni, sum hann hevur verið, sigur hann.

Tá Sverri gjørdist nummar fýra í olympisku leikunum, boðaði hann frá, at hann helst fór at gevast við at rógva, men hann hevur nú endurskoðað avgerðina.

Ikki lætt at gevast

- Eg havi ikki lætt við at gevast. Eg vil heldur enda, tá eg kenni, at eg havi rokkið málinum. Tí verður talan um ein steðg eitt skifti, heldur enn at gevast, men tað er ikki vist, at eg fari at venja aftur, sigur hann. Tað fáa vit at síggja um eitt ár ella so, sigur Sverri.

Hann vísir eisini á, at hann venur fleiri tímar hvønn dag, og tað gongur út yvir lesnaðin, sum skal geva honum eitt trygdarnet, tá ítróttartíðin er av, sigur hann við DR.
 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585