Alivinnan rindaði 93 mió. kr. minni í tøkugjaldi

30.08.2021 - 09:53
AktueltSamfelag
Alivinnan rindaði 93 mió. kr. minni í tøkugjaldi
Landskassin fekk eisini minni í avgjaldi á fiskatilfeingi
Korona fær skyldina fyri, at alivinnan rindaði minni í tøkugjaldi í fjør, enn roknað varð við.
 

Landskassin fekk 93,2 milliónir krónur minni í tøkugjaldi, enn roknað varð við frá alivinnuni í fjør.

Í fíggjarlógini varð roknað við 175 milliónum krónum.

Men so nógv kom ikki í kassan, verri enn so. Tá avtornaði komu bara 81,8 mió. kr.

Korona fær skyldina.

Landsgrannskoðanin hevur fingið at vita frá landsstýrinum, at orsøkin er verri marknaðaratgongd, minni keypsorka og lægri laksaprísur ein stóran part av árinum 2020.

Makrelkvotan ikki fiskað

Minni kom eisini í landskassan frá avgjaldi á fiskatilfeingi.

Talan er um slakar 39 milliónir, tí øll makrelkvotan varð ikki fiskað í fjør.

Men uppboðssølan gav 18,5 mió. kr. meira, enn mett varð í fíggjarlógini.

So samanumtikið fekk landið góðar 20 milliónir krónur minni frá fiskivinnuni, enn mett varð í fíggjarlógini. Har varð roknað við 314 milliónum.


 

Er kopiera
Nýggjastu sendingar í ÚV
Mánadag 26. september
Góðan morgun Føroyar 26.09.2022
145293
Mánadag 26. september
Morgunlestur mánadagur 26.september 2022
145289
Sunnudag 25. september
Meg minnist - Henrik Old (4:5)
145273
Sunnudag 25. september
Bolero: Konsertstykki úr 20. øld
145268
Sunnudag 25. september
Guðstænasta í Christianskirkjuni
145267
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955