LUM: Setanartilgongdin var saklig

LUM: Setanartilgongdin var saklig
Løgtingsins umboðsmaður hevur viðgjørt eina klagu um, at stjórin á Tjóðpallinum var settur aftur fyri fjórðu ferð
Jenny C. Petersen er stjóri á Tjóðpallinum. Løgtingsins umboðsmaður hevur viðgjørt eina klagu um, at hon varð sett aftur sum stjóri fyri fjórðu ferð. Niðurstøðan hjá umboðsmanninum er, at setanartilgongdin var saklig.
 
13.10.2021 - 15:13

Tilgongdin at seta stjóra á Tjóðpall Føroya var saklig. 

Tað er niðurstøðan hjá Løgtingsins umboðsmanni, sum hevur viðgjørt eina klagu um viðgerðina hjá Uttanríkis- og mentamálaráðnum.

Klagan snúði seg um, hvussu Leiklistaráðið var mannað undir tilgongdini at seta stjóra á Tjóðpall Føroya, og at avgjørt var at seta sama stjóra fyri fjórðu ferð.

Klagarin vísti á, at Leiklistaráðið var undirmannað í eitt heilt ár, tí einki starvsfólkaumboð varð valt í staðin fyri umboð, sum tók seg úr ráðnum. Tá so nýtt starvsfólkaumboð varð valt, var hetta umboðið ikki við til sjálva setanina vegna ógegni.

Umboðsmaðurin sigur seg ikki hava grundarlag fyri at halda, at setanartilgongdin hevði verið avgerandi øðrvísi, um starvsfólkaumboð hevði verið við undir allari tilgongdini, ella at avgerðin um stjórasetanina hevði fingið annað innihald.

Vil hava greiðari manning

Umboðsmaðurin mælir tó Uttanríkis- og mentamálaráðnum til at skipa greiðari mannagongd fyri, hvussu farast skal fram, tá limur tekur seg úr Leiklistaráðnum. Eisini skulu reglur gerast at tryggja, at alt virksemi hjá Leiklistaráðnum verður framt við atliti at armslongdarmeginregluni.

Um málið, at sami stjóri varð settur fyri fjórðu ferð, segði klagarin soleiðis:

- Orsøkin til áramálssetan er vanliga eitt ynski um at tryggja listarliga endurnýggjan, listarliga menning, og at tryggja kreativa frælsið.

Klagarin helt ikki, at siðurin at seta sama stjóra fleiri ferðir, er í samsvari við endamálið at hava áramálssettan stjóra í listarligum leiðarastarvi.

LUM tekur undir við aðalráðnum 

Uttanríkis- og mentamálaráðið vísti á, at lógarásetingin um áramálssetan ikki kann lesast sum, at stjórin ikki kann verða settur aftur. Ráðið vísti á, at skipanin eisini kann grundgevast øvugt, at stjórin skal eftirmetast á fimta hvørjum ári, um viðkomandi søkir aftur. Tá hava aðrir umsøkjarar møguleikan at søkja starvið. 

Løgtingsins umboðsmaður er samdur við aðalráðið um hetta.  Umboðsmaðurin sigur, at út frá lógartekstinum og viðmerkingunum til lógina er ikki grundarlag fyri at siga, at áramálssetanin merkir, at tað er forboðið at seta sama stjóra aftur.

Um hetta var ætlanin við áramálssetanini, skuldi tað verið ásett í lógartekstinum og/ella komið greitt fram í viðmerkingunumm, sigur Løgtingsins umboðsmaður.


 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584