Oljuprísurin verður 81 dollarar restina av árinum

Oljuprísurin verður 81 dollarar restina av árinum
Oljulondini ætla at selja meiri av olju næsta ár, og tí verður mett, at prísurin lækkar í 2022
Londini í OPEC-felagsskapinum ætla at selja meira olju næsta ár, og tí verður roknað við, at oljuprísurin fer at lækka.
Mynd: RitzauScanpix  
 
14.10.2021 - 09:16

Oljuprísurin hækkar aftur, og nú verður mett, at prísurin fer at vera umleið 81 dollarar fyri tunnuna, tað sum eftir er av árinum. Tað er umleið 10 dollarar hægri enn metingin, sum varð gjørd í summar.

Av tí at londini í OPEC og londini, sum samstarva við OPEC, eru samd um at halda fast við ætlanina um at selja meira av olju í 2022, verður mett, at oljuprísurin fer at lækka næsta ár.

Hann fer at vera í miðal 72 dollarar fyri tunnuna, ella umleið 10 dollarar lægri enn nú.

Dýrari í dag enn í gjár

Olja úr Norðsjónum, sum skal latast í desember, verður í morgun seld fyri 83,85 dollarar fyri tunnuna, næstan ein dollara meira enn í gjár.

Olja úr USA, sum skal latast í november, verður í morgun seld fyri góðar 81 dollarar, sum eisini er nakað meiri enn í gjár.

Munurin á prísinum á olju úr Norðsjónum og á olju úr USA, sum skal latast í desember, er 3,45 dollarar fyri tunnuna.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585