Samráðast aftur í morgin

Fyrrapartin í morgin verður aftur samráðingarfundur millum Starvsfelagið og Lønardeildina.

Sáttmálin millum partarnar var galdandi til 1.oktober.

Starvsfelagið segði sáttmálan upp.

- Samráðingarnar ganga væl og eru sakligar, sigur Jan Mortensen, leiðari á Lønardeildini í Fíggjarmálaráðnum.

Lønardeildin hevur ikki enn gjørt nýggjar sáttmálar við nøkur feløg, sum høvdu sáttmálar til 1.oktober í fjør. 

Talan er um ergoterapeutar og fysioterapeutar, sum samráðast saman, Kost og føðslufelagið og ljósmøður.