Grøn orka til allar kommunalar bygningar í Kvívík

15.11.2021 - 08:24
AktueltSamfelag
Grøn orka til allar kommunalar bygningar í Kvívík
Breiðá verður eisini knýtt upp í verkætlanina, og tá verður orkuverkið meira støðugt
Skúlin í Kvívík verður nú eisini hitaður við vatnorku, og tað hevur hildnast so mikið væl, at skúlin hevur ikki brúkt olju í ein mánað.
 

Gongst sum ætlað, skulu allir kommunalu bygningarnir í Kvívík hitast við grønari orku.

Í fjør var ein vatnmylla sett upp í eini á oman fyri bygdina, og hon hevur framleitt hita til barnagarðin í eitt ár.

Byrjanin var tó sera óstøðug, tí frost lá í longri tíð, og lítið var av vatni.  Barnagarðurin hevur tí eisini brúkt olju.

Minni oljunýtsla

Men sammett við onnur ár, eru tveir triðingar minni brúktir av olju, skrivar Kvívíkar kommuna á síni heimasíðu. 

Nú er skúlin í bygdini eisini knýttur upp í vatnmylluna, og hann hevur verið hitaður við orku úr áunum í ein mánað.

Hetta hevur hildnast so mikið væl, at skúlin hevur onga olju brúkt í allan oktober.

Breiðá uppí

Arbeiðið við at knýta Breiðá upp í verkætlanina er í gongd, og væntast at verða liðugt fyrst í komandi ári. 

Tá ið tað er liðugt, tvífaldast vatntøkan, so orkuverkið kann verða meira støðugt. 

Um kommunan kundi gagnnýtt alla orkuna, sum vatnverkið veitir, hevði hon, sum tann fyrsta í landinum, rokkið málinum um null útlát, skrivar Kvívíkar kommuna á heimasíðuni.


 

Er kopiera
Nýggjastu sendingar í ÚV
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Fríggjadag 20. mai
Morgunlestur fríggjadagur 20.mai 2022
139573
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646