Um at missa tamarhaldið á koronakanningunum

bannari
19.11.2021 - 14:34
AktueltPengar
Um at missa tamarhaldið á koronakanningunum
Samgonguflokkarnir og Sjálvstýri í fíggjarnevndini halda, at vit eru um at missa tamarhaldið av nógvu koronukanningunum, sum verða gjørdar kring landið
 

"Tað er nátúrligt, at nógv fóru at kanna seg fyri koronu, tá smittan vaks so nógv í oktober, men vit eiga at umhugsa, hvussu vøksturin verður tálmaður," siga samgonguflokkarnir og Sjálvstýri í álitinum til uppskotið um eykajáttan fyri oktober.

Ein máti at fáa tamarhald á støðuni er, at vit í framtíðini kanna fólkið við landamarkið, og at brúkarin sjálvur rindar fyri kanningina. 

Teir vísa eisini á, at í teimum førum, har arbeiðsgevarar krevja regluliga kanning av starvsfólkum, eiga teir eisini at gjalda fyri kanningarnar.

 

24 mió. kr. afturat

Í eykajáttanini fyri oktober, biður fíggjarmálaráðið um at fáa 12 milliónir kr. aftrat til koronukanningar á Landssjúkrahúsinum.

Men nú hevur landsstýrismaðurin í heilsumálum upplýst fyri fíggjarnevndini, at samlaðu útreiðslurnar verða 24 milliónir kr. í ár, og tað mælir meirilutin í nevndini til at játta.

Neyðugt verður eisini við størri játtan til Klaksvíkar sjúkrahús og Suðuroyar sjúkrahús í sambandi við koronukanningar.

 

Mæla til at játta pengarnar

Klaksvíkar sjúkrahús metti, at tørvur var á 550.000 krónum, tað sum eftir er av árinum, men brúk er fyri 900.000 kr. og tí verður biðið um 350.000 kr. aftrat.

Suðuroyar sjúkrahús væntaði at brúka 180.000 krónur aftrat til koronukanningar í ár, men nú vísir tað seg, at tørvurin er góðar 100.000 krónur størri.

Meirilutin í fíggjarnevndini mælir til at játta peningin. 

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750