Nógv fundarvirksemi um radaran, men enn eingin avgerð

Nógv fundarvirksemi um radaran, men enn eingin avgerð
Landsstýrismaðurin í uttanríkismálum og danski verjumálaráðharrin hava síðani september 2019 tosað sjey ferðir um radaran, sum danir vilja hava í Føroyum
Nógv fundarvirksemi hevur verið millum Føroyar og Danmark um radarin, men enn er eingin avgerð tikin
Mynd: Bjarni Árting Rubeksen  
 
07.03.2022 - 07:43

Landsstýrismaðurin í uttanríkismálum og danski verjumálaráðharrin tosaðu fimm ferðir um radaran, sum danir vilja hava í Føroyum, í tíðarskeiðnum september 2019 til februar 2021.

Síðani februar 2021 hava verið tveir fundir við verjumálaráðharran. 

Tað sigur Jenis av Rana, landsstýrismaður, í svari til Aksel V. Johannesen, løgtingsmann, sum setti skrivligan fyrispurning um samskiftið millum Føroyar og Danmark um radaran.

 

Ynskið frá 2019

Møguleikin fyri, at ein radari í Føroyum kundi gerast partur av arktiska kapasitetspakkanum, var fyrstu ferð nevndur í telefonsamrøðu á embætisstigi tann 20. novembur 2019.  

Tríggir fundir vóru millum føroysk og donsk embætisfólk um radaran frá september 2019 til februar 2021. 

Síðani februar 2021 hava verið fýra fundir millum embætisfólkini.

 

Formliga umbønin í 2021

Í januar 2021 fekk landsstýrismaðurin eina formliga umbøn um at taka støðu til spurningin um at seta upp radara í Føroyum.  

Landsstýrismaðurin hevur verið fýra ferðir í Uttanlandsnevndini hjá løgtinginum við radaramálinum.

Danska stjórnin hevur sagt, at einki verður gjørt fyrr enn ein avgerð er tikin um radaran í Føroyum. 

Føroyar hava ikki enn svarað donsku stjórnini.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584