ES: Allar fartelefonir skulu hava sama løðara

07.06.2022 - 15:21
AktueltÚtheimurin
ES: Allar fartelefonir skulu hava sama løðara
Nýggju reglurnar koma í gildi um tvey ár, men tað dámar Apple lítið
Stendur tað til ES, skal vera eitt slag av løðara til øll sløg av fartelefonum um tvey ár.
Mynd: Savnsmynd  
 

Gongst sum ES-londini ætla, skulu allar fartelefonir í framtíðini kunna brúka sama løðara.

Tað skrivar blaðið The Independent. 

Ein nýggj avtala millum ES -ondini skal tryggja, at øll sløg av telefonum skulu brúka eins løðara, sama um tú hevur Apple, Samsung, Huawei ella okkurt annað slag.

Blaðið skrivar, at nýggju reglurnar skulu koma í gildi á heysti í 2024, also um góð tvey ár.

 

USB-C

Sambært uppskotinum frá ES-londunum, skulu nýggju løðararnir vera hava sonevnd USB-C-stikk.

Sambært The Independent,  er tað serliga ein smeitur fyri Apple, og Apple er eisini harðliga ímóti nýggju ásetingunum, sum vera galdandi í ES.

Apple vil haraftrat vera við, at standardiseringin av løðarum fer at minka ferðina av nýmenning.

Umframt at lætta um hjá brúkarum, skulu nýggju ásetingarnar eisini vera við til at minka um elektroniskt burturkast.

 

Ikki bert fartelefonir

Ásetingarnar um standard løðarar fevna tó nógv breiðari enn bert fartelefonir, tí tær vera eisini galdandi fyri teldlar, øll sløg av smátalarum og headsettum, hátalarum, myndatólum, knappaborð og so framvegis.

Farteldir skulu eisini gerast, so tær brúka USB-C løðarar, men har fáa framleiðararnir longri friest, til 2027.

Við nýggju ásetingunum um standard løðarar, væntar ES, at minka um elektroniska burturkasti við 11 túsund tonsum um árið.

Sambært ES, brúka evropearar hvørt ár umleið 2,4 mia evrur til at keypa nýggjar løðarar til telefonir.

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750