Fróðskaparsetrið skal hava nýggjan rektara

15.08.2022 - 13:38
AktueltSamfelag
Fróðskaparsetrið skal hava nýggjan rektara
Chik Collins hevur fingið tilboð um annað starv í Skotlandi og gevst sum rektari hálvtannað ár fyri tíð
Chik Collins gevst sum rektari á Fróðskaparsetrinum á nýggjárinum.
 

Chik Collins, sum seinastu trý árini hevur verið rektari á Fróðskaparsetri Føroya, leggur frá sær við árslok.

Hann hevur fingið tilboð um annað starv í Skotlandi, og leggur sostatt frá sær hálvtannað ár fyri tíð.

Stýrið fyri Fróðskaparsetrið harmast í tíðindaskrivi avgerðina:

 

Framúr gott samstarv

- Samstarvið við rektaran hevur verið framúr gott frá fyrsta degi, og Chik Collins hevur – í tøttum samstarvi við leiðslu og starvsfólk – staðið á odda fyri stórum frambrotum á Setrinum. Málið hevur verið professionalisering av øllum virkseminum,  serliga miðvís góðskutrygging av útbúgvingunum, soleiðis at tær kunnu metast á sama stigi sum útbúgvingar uttanlands, sigur Ólavur Ellefsen, stýrisformaður.

 

Søkja eftir rektara

Stýrið fer nú at søkja eftir nýggjum rektara, sum eftir ætlan skal taka við 1. januar 2023.

Setrið hevur stórar avbjóðingar. Millum annað at dagføra strategisku ætlanina og at savna alt virksemið í nýggjar bygningar á fløtuni á Frælsinum í Havn, sigur stýrið fyri Fróðskaparsetrið. 

Er kopiera
Nýggjastu sendingar í ÚV
Mánadag 28. november
Norðurljóð 28.november 2022
148509
Mánadag 28. november
Bolero 27. november 2022
148629
Mánadag 28. november
Rokk og ró 26. november 2022
148626
Mánadag 28. november
Sambandsflokkurin í Tinginum
148603
Nýggjastu sendingar í SV
Mánadag 28. november
Andglettur: Tjóðveldi
148653
Mánadag 28. november
Sambandsflokkurin í Tinginum
148600
Sunnudag 27. november
Valfundur í Salt á Drelnesi, Tvøroyri
148566
Sunnudag 27. november
Fyrsti sunnudagur í advent
148549
Fríggjadag 25. november
Andglettur: Miðflokkurin
148521