Toskakvotan á Flemish Kap veksur eina helvt

27.09.2022 - 08:17
AktueltVinna
Toskakvotan á Flemish Kap veksur eina helvt
Føroysk skip kunnu fiska 1.363 tons næsta ár
Pison er eitt av frystilínuskipunum. Føroyska kvotan á Flemish Kap næsta ár verður 1.363 tons.
 

Føroyska toskakvotan á Flemish Kap verður 1.363 tons næsta ár, stív 50 prosent størri enn í ár. 

Føroyski luturin í toskakvotuni er 22,35 prosent.

Føroyar fáa eisini 193 tons av svartkalva og 69 tons av kongafiski á Flemish Cap.

Tað var avgjørt á ársfundinum hjá NAFO í Porto í Portugal.

NAFO er millumtjóða fiskiveiðufelagsskapur fyri útnyrðingspartin av Atlantshavinum. 

 

6.100 tons 

Tilmælið um mest loyvdu toskaveiðuna á Flemish Kap var 4.000 tons í ár. Flestu londini vildu ikki fara ov nógv upp um hetta talið næsta ár.

Men eftir drúgvar samráðingar eydnaðist at finna semju um 6.100 tons, sigur Uttanríkis- og Mentamálaráðið. 

Rækjustovnurin á Flemish Kap er ikki komin fyri seg.

Veiðibann var frá 2011-2019 og aftur í ár. Tað verður eisini næsta ár.

 

Fleiri lond í NAFO

Umframt Føroyar og Grønland, sum hava danska limaskapin, eru ES, Frakland fyri St. Pierre et Miquelon, Ísland, Japan, Kanada, Kuba, Noreg, Russland, Suðurkorea, Ukraina, USA og Stórabretland í NAFO.

Í føroysku sendinevndini vóru fólk úr Uttanríkis- og Mentamálaráðnum, Fiskimálaráðnum, Vørn og Havstovuni. 

Uttanríkis- og Mentamálaráðið hevði samráðingarleiðsluna.

Er kopiera
Nýggjastu sendingar í ÚV
Fríggjadag 27. januar
Morgunlestur fríggjadagur 27. januar 2023
151142
Hósdag 26. januar
RagnarRokk 26. januar 2023
151239
Hósdag 26. januar
RagnarRokk:Oliver Hartmann um Get Over It
151236
Hósdag 26. januar
Lesikrókurin: Morgun og kvøld
151504
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286