Grønlendskur filmur tilnevndur til ein Oscar

24.01.2023 - 14:47
Mentan
Grønlendskur filmur tilnevndur til ein Oscar
"Ivalu" kallast grønlendski stuttfilmurin, ið snýr seg um kynsliga misnýtslu og sjálvmorð, og sum nú er í uppskot til eina Oscar-heiðursløn
"Ivalu" snýr seg um tabu sum kynsliga misnýtslu og sjálvmorð
 

Talan er um eina stórhending fyri grønlendsku filmsvinnuna, nú ein grønlendskur filmur er í uppskoti til eina Oscar-heiðursløn. 

Stuttfilmurin "Ivalu", sum danin Anders Walter og grønlendska Pipaluk K. Jørgensen hava leikstjórnað, er millum teir fimm tilnevndu filmarnar í bólkinum "Live-action short film"

"Ivalu", sum byggir á viðurkendu myndaskaldsøguna við sama navni eftir Morten Dürr og Lars Horneman, snýr seg um gentuna Pipaluk (Mila Heilmann Kreutzmann), sum býr í einari grønlendskari bygd saman við pápanum  (Angunnguaq Larsen) og stórusystrini Ivalu (Nivi Larsen).

Familjan fer í upploysn, pápin drekkur, og brádliga hvørvur Ivalu, sum hevur verið fyri kynsligum misbrúki.

Meðan pápin ikki ger nevnivert fyri at finna Ivalu, so noktar Pipaluk at viðkenna ta sannroynd, at stórasysturin er horvin.

Í síni leitan eftir Ivalu, so fer Pipaluk á eina persónliga ferð, har hon eisini fær hjálp frá síni andatrúgv, ið fyllir so nógv í grønlendsku mentanini. 

Burturúr er sprottin ein hugtakandi 16 minuttir langur stuttfilmur, sum nú er tilnevndur til ein Oscar. 

 

Danskur heimildarfilmur eisini tilnevndur

Danski heimildarfilmurin (dokumentarfilmurin) "A House Made of Splinters" er eisini í uppskoti til ein Oscar fyri besta heimildarfilm. 

Filmurin gongur fyri seg í einum barnaheimi í Ukraina og er leikstjórnaður av Simon Lereng Wilmont.

Er kopiera
Nýggjastu sendingar í ÚV
Leygardag 4. februar
Plátupanelið #006 (Rick Rubin)
151979
Leygardag 4. februar
Upp á tá 030223
151977
Leygardag 4. februar
Morgunlestur leygardagur 4. februar 2023
151589
Fríggjadag 3. februar
Breddin: Ovurfiti og svenskur NATO-limaskapur
151915
Nýggjastu sendingar í SV
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640