Vit fáa talgilt samleikakort í vár

Vit fáa talgilt samleikakort í vár
Uppskot um talgilt samleikakort er farið til hoyringar
Eftir ætlan verður samleikakortið liðugt ment og klárt at taka í brúk í vár.
 
25.01.2023 - 08:35

Fíggjarmálaráðið hevur gjørt uppskot um lóg um talgilt samleikakort.

Uppskotið er sent til hoyringar.

Samleikakortið verður, sambært uppskotinum, saman við talgilda koyrikortinum partur av appini, sum eitur Skjáttan, sum Talgildu Føroyar í løtuni eru í ferð við at menna. 

Appin fer at hýsa almennum prógvum og loyvum á einum staði.

Endamálið við lógaruppskotinum er at geva talgilda samleikakortinum neyðugu løgfrøðiligu karmarnar.

 

Alment samleikakort

Samstundis verður samleikakortið viðurkent sum almenna talgilda samleikakortið í Føroyum. 

Øll, sum hava Samleikan, kunnu eisini brúka samleikakortið. Aldursmarkið fyri at fáa Samleikan er 13 ár.

Samleikakortið fer eitt nú at prógva bústað fyri at fáa avsláttur hjá Strandferðsluni, ella tað skal prógva ein ávísan aldur fyri at keypa eina ávísa vøru.

Eftir ætlan verður samleikakortið liðugt ment og klárt at taka í brúk í vár.

Hoyringarfreistin er til 21. februar.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585