Pauli Mittún til danskt felag

11.03.2023 - 18:56

Ítróttur›Hondbóltur

Ein av føroysku landsliðsspælarunum, sum í dag royndi seg niðri í Bucarest, Pauli Mittún, hevur skrivað undir sáttmála við danska felagið, Team Sydhavsøerne.

Hilmar Jan Hansen

Pauli Mittún í reyðu spælitroyggjuni, ið verður hansara næstu trý árini sum spælskipari í Team Sydhavsøerne

20 ára gamli hoyvíkingurin, sum í vetur spælir við Kristiansand í bestu norsku deildini, skal næstu trý árini vera spælskipari hjá danska felagnum, sum í løtuni spælir í næstbestu deildini.

- Eg gleði meg nógv til at gerast partur av Team Sydhavsøerne, sigur Pauli Mittún við heimasíðuna hjá komandi felag sínum.

- Eftir gott samskifti við ítróttarstjóra, venjara og kropsligan venjara eri eg sannførdur um, at hetta er rætta staðið hjá mær til víðari menning, sigur hann.