FM-heitið í talvi avgerast

Mesti spenningurin er í 1. deild, har Sandavágs Talvfelag hevur verið einaráðandi í vetur og vunnið allar níggju dystirnar.

Men kortini er eingin avgerð fallin enn. Føroyameistarnir úr Havnar Telvingarfelag eru tvey stig aftanfyri. 

Vágamenn standa seg tí við hálvumøðrum stigi í innanhýsis dystinum millum oddaliðini í seinasta umfarinum, tí tað røkkur til FM-sigurin.

Havnarmenn mugu afturímóti vinna finaluna á vágamonnum í minsta lagi 3-1. Gera teir tað, verður umdystur um FM-heitið í dag við nýggjari finalu í kviktalvi. 

Talvsambandið vísir leikirnar á teimum fýra borðunum í FM-finaludystinum beinleiðis á heimasíðuni faroechess.com.