Stór altjóða dartkapping um vikuskiftið

30.03.2023 - 14:43

Ítróttur›Annar ítróttur

Væl omanfyri 100 spælarar hava spískað sær pílarnar til tær báðar altjóða kappingarnar, Tórshavn Darts Open og Faroe Islands Darts Open, sum vera á Glasi um vikuskiftið

Símun Christian Olsen

Glasir er aftur í ár karmur um altjóða kappingarnar, Tórshavn Open og Faroe Islands Open

Mynd: Havnar Dartfelag

Tvær stórar altjóða dartkappingar verða á Glasi um vikuskiftið, skrivar Havnar Dartfelag.

Havnar Dartfelag og Dartsamband Føroya skipa fyri Tórshavn Darts Open og Faroe Islands Darts Open, har umleið 125 dartspælarar fara at kappast.

Yvir 50 útlendskir spælarar vera við - millum annað vinnarin frá í fjør, Edwin Torbjørnsson, bretin, John Scott, og danin, Brian Løkken, ið hevur spælt í HM-endaspælinum fyri fáum árum síðani - og hesir skulu kappast ímóti sterkastu føroysku spælarunum, sum hava staðið seg væl í altjóða kappingum seinasta árið. Umleið 30 spælarar eru við í kappingini við kvinnum.