Fleiri klipp og trý mistu kortið

Ferðsludeildin hjá politinum gjørdi millum annað kanningar við fólkaskúlar, og har fingu sjey klipp í koyrikortið fyri at koyra við børnum undir 15 ár, sum ikki sótu í trygdarbelti.

Politiið gjørdi eisini ferðamátingar í Eysturoynni og í tí sambandi mistu tveir førarir koyrikortið og tríggir fingu klipp í koyrikortið.

Fyri at missa koyrikortið skalt tú koyra 30 prosent skjótari enn loyvt er. Til dømis 88 km/t, har tað bara er loyvt at koyra 50 km/t.

Ein bilførari var tikin fyri at koyra við kenning.

Revsingin fyri at koyra ávirkaður er treytaleys frákenning av koyrikortinum, um promillan er millum 0,2 og 0,5. Er promillan yvir 2, fær førarin fongslulsrevsing.