Eisini skuldsettur fyri at hava dripið Emilie Meng

26.04.2023 - 13:11

Aktuelt›Útheimurin

Løgreglan hevur kannað líknandi mál, og tað er í hesum sambandi, at 32 ára gamli maðurin eisini er skuldsettur fyri dráp

Hallur av Rana

Kim Kliver, politiinspektørur, og Rune Nilsson, varapolitiinspektørur, hjá løgregluni í Suðursælandi og Lolland-Falster, á tíðindafundi fyrrapartin.

Mynd: Ritzau Scanpix

Danska løgreglan hevur nú skuldsett 32 ára gamla mannin, sum er varðhaldsfongslaður fyri at hava frælsistikið og neyðtikið eina 13 ára gamla gentu í Kirkerup 13. apríl, fyri eisini at hava frælsistikið, neyðtikið og dripið 17 ára gomlu Emilie Meng í 2016.

Tað bleiv kunngjørt á tíðindafundi fyrrapartin.

Emilie Meng

Emilie Meng var dripin í 2016.

Síðani 32 ára gamli maðurin var handtikin, hevur løgreglan kannað onnur líknandi mál, og tað er í tí sambandi, at hann nú er skuldsettur fyri at hava dripið Emilie Meng í 2016.

Hoyr innslag útvarpstíðindunum:

26042023_Tidindafundur_um_Meng

Verjin hjá 32 ára gamla manninum, Karina Skou, sigur við Ritzau, at maðurin noktar seg sekan í teimum nýggju skuldsetingunum.