Skeivt at samantvinna virðisøking og fiskiskapin í Barentshavinum

- Eg taki væl ímóti øllum tankum um virðisøking. Men tað er skeivt at tvinna saman virðisøking av uppsjóvarfiski við Føroyar og føroyska fiskiskapin í Barentshavinum.

Tað sigur Dennis Holm, landsstýrismaður í fiskivinnumálum, sum ikki kennir seg bundnan at fylgja niðurstøðunum í frágreiðingini hjá Sjúrði Skaale.

Samgongusamráðingar 2022, dagur 4, Sjúrður Skaale

Sjúrður Skaale, fólkatingsmaður.

Niðurstøðan í frágreiðingini hjá Sjúrði Skaale er, at føroyska samfelagið hevði fingið 400 milliónir krónur meira burturúr at fiskað og virðisøkt tað, sum Føroyar lata Russlandi og Noregi aftur fyri kvoturnar í Barentshavinum.

Tað roknistykkið tekur landsstýrismaðurin við fyrivarni.

Hanus Hansen

Hanus Hansen er stjóri í JFK.

Stjórin í JFK, Hanus Hansen, er komin við øðrum tølum, sum sáa stóran iva um tølini í frágreiðingini hjá Sjúrði Skaale.

Landsstýrismaðurin ætlar sær tí at biðja síni embætisfólk í Fiskimálaráðnum um at greina, hvat vendir upp og niður.

Hoyr innslag í útvarpstíðindunum: