Fiskiskapurin á Flemish Cap byrjaður

Fiskiskapurin hjá føroyingum á Flemish Cap er byrjaður.

Stapin var fyrstur á Flemish Cap í ár. Hann hevur gott fiskarí, upplýsir Vørn.

Kambur kom á Flemish Cap í gjár, og Jákup B og Klakkur eru á veg hagar.

Stapin, frystilínuskip, línuskip - Mynd: Føroyska Sjómansmissiónin

Stapin er komin á fiskileið, og fiskiskapurin er góður. (Mynd: Føroyska Sjómansmissiónin)

Meiri toskur

Føroyar fingu meira tosk á Flemish Cap í ár. Føroyar fingu 284 tons í fiskiveiðiavtaluni við Bretland.

Frammanundan høvdu Føroyar 1.363 tons av toski á Flemish Cap.

Toskafiskiskapurin á Flemish Cap er ætlaður línuskipum, ella teimum, sum hesin rættur er fluttur til, og tey fáa egna árskvotu.