Alivinnan rindað 935 milliónir í tøkugjaldi síðani 2014

Seinastu fimm árini hevur tøkugjaldið verið millum 9,3 prosent og 12,8 prosent av bruttoinntøkuni hjá alivinnuni.

Tað sigur Høgni Hoydal, landsstýrismaður, í svari til Bjarna Hammer, løgtingsmann.

Tøkugjaldið, ella loyvisgjaldið, kom í 2014.

Árini 2014 til 2021 rindaði alivinnan góðar 934,8 mió. kr. í tøkugjaldi.

Talið fyri 2022 er ikki tøkt enn.

Roknskaparliga vera útreiðslur til tøkugjald drignar frá nettosøluni, áðrenn komið verður til bruttovinningin, ella bruttoúrslitið.