Báðar størstu kommunurnar høvdu hall í fjør

26.05.2023 - 08:26
AktueltPolitikkur
Báðar størstu kommunurnar høvdu hall í fjør
Tórshavnar kommuna og Klaksvíkar kommuna hava kunngjørt roknskapin fyri 2022
Tórshavnar kommuna gjørdi íløgur fyri 275 mió. kr. í fjør. Góðar 32 milliónir eigur Tórshavnar havn.
 

Inntøkurnar hjá Tórshavnar kommunu vóru ein milliard og 239 milliónir krónur í fjør.

Hetta eru góð seks prosent, 71 milliónir, meira enn í 2021.

Kommunan kostaði 933 mió. kr. at reka. Hetta eru 4,2 prosent, 38 mió. kr., meira enn í 2021.

Í fjør gjørdi Tórshavnar kommuna íløgur fyri 275 mió. kr. Tórshavnar havn eigur 32,1 míó. kr. av teimum.

Rakstrar, løgu- og útlánsúrslitið var hálvonnur millión í halli. Í 2021 var avlop, 60 mió.kr.

Langfreistaða skuldin við árslok 2022 var 233,5 mió.kr. 

Tórshavnar havn eigur 225,5 mió.kr og kommunan átta mió.kr.

 

Høvuðsorsøkin til, at hallið í Klaksvíkar kommunu gjørdist munandi størri, er, at ætlaðar inntøkur frá sølu av lendi og fastognum ikki gjørdust veruleiki, sigur kommunan.

 

Klaksvík 61 mió. í halli

Næst størsta kommunan, Klaksvík, hevði 60,6 mió. kr. í halli í fjør, tað var fyri avdráttir. 

Inntøkurnar vóru 315,3 mió. kr., raksturin kostaði 254,1 mió. kr. og íløgurnar 112,4 mió. kr.

Í fíggjarætlanini var hallið 37 mió. kr.

Høvuðsorsøkin til, at hallið gjørdist munandi størri, er, at ætlaðar inntøkur frá sølu av lendi og fastognum ikki gjørdust veruleiki, sigur kommunan.

Langfreistaða skuldin var við árslok 2022 var 345 mió. kr.

Er kopiera
Nýggjastu sendingar í ÚV
Fríggjadag 2. juni
Breddin: Rúsevnasmugling og móðurlandið
157837
Fríggjadag 2. juni
Góðan morgun Føroyar 02.06.2023
157832
Fríggjadag 2. juni
Morgunlestur fríggjadagur 2. jun i2023
157631
Hósdag 1. juni
RagnarRokk 1.juni 2023
157074
Nýggjastu sendingar í SV
Fríggjadag 2. juni
Veðrið
157861
Hósdag 1. juni
Lítli Petur
157808
Týsdag 30. mai
Veðrið
157705
Mánadag 29. mai
Rekamaðurin á Hellunum
75858