Treytað fongsulsrevsing og samfelagstænasta í 40 tímar

Tveir dreingir eru í Føroya rætti dømdir fyri harðskap í miðbýnum í Havn.

Dómurin er 20 daga treytað fongsulsrevsing og samfelagstænasta í 40 tímar.

Teir eru dømdir fyri at hava felt ein mann í miðbýnum í Havn sunnunáttina 24.apríl í fjør.

Tann álopni langaði nakkan í vegin og fekk eisini ilt í økslina.

Tann órættaði var pensjónistur, sum savnaði tómar fløskur í býnum. 

Noktaðu seg sekar

Hann segði, at dreingirnir høvdu argað seg tríggjar ferðir hesa náttina. Hann segði, at teir til endans hildu seg og syftu seg niður í vegin.

Dreingirnir noktaðu seg sekar. Teir hildu uppá, at maðurin var dottin.

Tveir aðrir dreingir vóru eisini ákærdir í hesum máli, men ákæruvaldið bað um, at teir blivu frídømdir, tí prógvini móti teimum vóru ikki nóg góð.

Krav var eisini sett fram um at rinda 6.000 krónur í endurgjaldi fyri brillur og fyri viðgerð hjá fysioterapeuti.

Men Føroya rættur góðtók ikki kravið. Tað var víst til sivilt rættarmál.