Smakkar tú mun á dýrum og bíligum brúsandi víni?
Hvussu kalt skal brúsandi vín vera fyri at smakka best?
Hví varð sjampanja rópt Djevulsins vín?
Hví broytist vínsmakkurin aftur við kaffi og osti?
Hesir spurningar og aðrir við verða svaraðir í fyrsta parti av nýggja táttinum Nývín.
Bjørk og Andrea smakkroyna vín
Tær báðar Bjørk Sigurdsdóttir og Andrea Arnfríðardóttir hava stóran áhuga fyri víni og mati.
Tær eru ikki vínserfrøðingar; men í yrkinum sum tænarar hava tær eina ávísa vitan um vín.
Tær hava tí bjóðað seg fram til at smakkroyna ymisk sløg av víni.
Eitt dýrt og eitt bíligt brúsandi vín
Tátturin eitur Nývín, og í fyrsta parti smakkroyna tær tvey sløg av brúsandi víni.
Tann fyrra fløskan er ein sjampanja, Charles Montaine brut fyri 230 krónur.
Tann seinna fløskan kallast Vilarnau, Demi Sec, økologisk fyri 95 krónur.
