95.000 tons eftir av norðhavssild

Fyri einari viku síðani høvdu føroysk skip sløk 95.000 tons eftir av norðhavssild í ár.

Bara 5.500 tons vóru tá fiskað.

14.560 tons vóru eftir av makreli og 14.104 tons av svartkjafti.

Tað upplýsir Dennis Holm, landsstýrismaður, í svari til Henrik Old, løgtingsmann.

Skip, sum hava egnar kvotur og ikki fiskaðu sína kvotu í fjør, kunnu flyta upp til 10 prosent av kvotuni í 2022 til 2023. 

Eisini kunnu skip, sum hava egnar kvotur, fiska 10 prosent meira enn sína tillutaðu kvotu í 2023, sum so verður tikin burtur av kvotuni, sum skipið fær í 2024.