- Tíðindi, mentan og ítróttur
Ljóarin
Av teimum 38.393 fólkunum, ið høvdu valrætt til fólkatingsvalið í Føroyum í gjár, vóru tað 27.159 fólk, ið nýttu høvi at fara á val - svarandi til 71,3 prosent av veljarunum.
Vit fingu orðið á nývaldu fólkatingskvinnuna hjá Sambandsflokkinum, Onnu Falkenberg, stutt fyri hon fór á flog í dag.
Hvussu verður fólkatingsvalið hildið í Føroyahúsinum í Keypmannahavn? Vit sláa upp á tráðin hjá leiðaranum, Sissal Kampmann.
Hóast somu flokkar fingu fólkatingsumboðini, var valúrslitið í mangar mátar øðrvísi enn fyri trimum árum síðani. Og saman við Jóannesi Hansen, valserfrøðingi, útgreina vit nøkur lyklapunkt í valinum.
Hvussu fyrireikar kringvarpið seg til stóra valkvøldið og hvørjar eru uppgávurnar? Miðskeiðis í sendingini koma Jákupa Mikkelsen og Kári Poulsen, ið eru ávíkavist fyrisitingarleiðari og tøknileiðari í útvarpsstovuna at greiða frá.
Danir og grønlendingar eru á vali í dag, og saman við Kaj Joensen, tíðindamanni, seta vit sjóneykuna á danska fólkatingsvalið.
Tú kanst hoyra sendingina her!