Tað mest spennandi er at framleiða sínar egnu litir úr ymsum sløgum av gróti. Vit hitta Eli Smith, sum sýnir fram síni verk á framsýning í løtuni.
Kanska kendasti ókendi málarin í Føroyum, Jóannis Kristiansen - Leirvíksmálarin - verður heiðraður í stórum bókaverki á fýra ymiskum málum. Vit hitta Petur Martin Petersen, ið hevur skrivað.
Heðin er heiti á nýggjari bók um Heðin Mortensen. Vit hitta høvuðspersónin og Hilmar Jan Hansen, sum er ein av høvundunum.
Í seinru helvtini av sendingini fara vit í skúla - í nýggja stásiliga skúlan á Fløtum her í Havn.
Saman við Regini Marnersson, skúlastjóra, skifta vit orð um nakrar av námsfrøðiligu tonkunum handan skúlan, Ragnar Zachariassen, arkitektur og stjóri á teknistovuni Zeta Arkitektar, greiðir okkum frá um arkitekturin, og Albert Isfeld, arkitektur, fer at ummæla Skúlan á Fløtum.
Tú kanst hoyra sendingina her!