Tað hendir nógv í Klaksvík í hesum døgum, og í hesum Ljóaranum hava vit, við gestum, samrøðum og kjaki, sent beinleiðis úr Kaffihúsinum Fríðu á Biskupstorgi í miðbýnum í Klaksvík.

Fyrst hitta vit stjóran í Fríðu, Mimmy Vágsheyg, henni á baki tosa vit við borgarstjóran í Klaksvíkar kommunu, Karl Johansen, og síðani tosa vit um Klaksvík í einum søguligum perspektivi, tá ið Hans Andrias Sølvará, dekanur og professari, sum eisini hevur skrivað bøkurnar um Klaksvíkar søgu, sessast við borðið.

Vit fara eisini á gátt í nýggja róðrarneystinum, ið skjótt verður liðugt, og har hitta vit Sonju Kjølbro, forkvinnu.

Miðskeiðis í sendingini skifta vit orð um eitt nú nýggju hotellætlanina, tá ið Kjartan Hansen, nevndarlimur og íleggjari, og Ósbjørn Jakobsen, arkitektur, sessast við borðið.

Síðani verður farið í mentanarhúsið Varpið, har ið nýggi stjórin, Annfinnur Heinesen, tekur ímóti. Og vit enda sedingina við einum Klaksvíkskjaki millum Joan Heinesen, Erik Biskopstø og Sølvá Jansdóttir Joensen.

Tú kanst hoyra sendingina her!