Akademia er nýggj sendirøð hetta fram til jóla. Har vit áður hava varpað ljós á filosoffarnar, so fara vit nú at lýsa ymisk filosofisk evni. Jógvan D. Hansen, námslektari er gestur í sendingunum hvønn sunnudag.
So langt aftur sum í 1675 undirvísti mann í filosofikum á universitetum. Hetta fyri at brynja tann lesandi til lesturin og eisini geva menniskjanum eitt sokallað alment dannilsi. Tað eru spurningar sum at hugsa, hvør eri eg, Guð, náttúran, moralfilosofiskir spurningar o.s.fr.
Filosofikum sum fak hvarv í 1971, tó ikki í Norra. Í dag dagar tað undan aftur og komið er eftir, at tað er skilagott at undirvísa í hesum tifarinum. Á Setrinum í Havn undirvísa tey í filosofikum og bókin vit brúka sum grundarlag undir hesum sendingum er tann sama, sm tey lesandi brúka.
Bókin eitur:"At vera, at vita, at gera."
Evnið í dag er hugsa sjálv/ur. Hav dirivi at nýta egið vit og skil. Ver ikki dovin ella undanstøkkingur, so tú bara fert við streyminum, men vís eldhugað og engagement.