Í dag vitjar bólkurin, sum, sambært punklegenduni, Iggy Pop, er tann besti í heiminum júst nú, Joe & the Shitboys.

Punkgubbin valdi teir somuleiðis at spæla heilar tríggjar konsertir saman við sær í Bretlandi

Virðisløntu shitpunkararnir eru á altjóða konsertferðum í heilum, og tær garvillu framførslurnar, sum blanda satiriskt skemt í tónleiki við interaktivitet við áskoðarafjøldina, hava fingið mikið rós úr øllum heraðshornum.

Vanliga verða tríggir sangir spældir í Studio 5, men hesa ferð eru teir heldur fleiri í tali. Orsøkin er, at sangirnir hjá Joe & the Shitboys oftast eru avgreiddir eftir einar tveir minuttir.