Hálvttriðja ár eftir, at samgongan bleiv skipað, røkist lítið fyri einari loysn á málið um gongd í haga. 

- Eg klári ikki at liva upp til tað, sum stendur í samgonguskjalinum um, at vit skulu finna eina semju í málinum um gongd í haga. Tað ber heilt einfalt ikki til, tí tað er so langt millum partarnar.

Hetta sigur Magnus Rasmussen, landsstýrismaður í vinnumálum, tá hann fyrr í viku bleiv spurdur av dimma.fo, tá hann bleiv spurdur um viðmerking til hvar málið um gongd í haga lá. 

Vit tosa við landsstýrismannin í vinnumálum og hoyra frá pørtunum, sum semja ikki kann finnast við, áðrenn endað verður við einum politiskum kjaki.

Luttakarar: Magnus Rasmussen, landsstýrismaður í vinnumálum, Henny á Líknargøtu, forkvinna í Ferðavinnufelagnum, Guðrið Højgaard, stjóri á Visit Faroe Islands, Símun Gullaksen, stjóri í Jarðum, Bjørt Samuelsen, tingkvinna fyri Tjóðveldi, Jóhannis Joensen, tingmaður fyri Javnaðarflokkin, og Beinir Johannesen, tingmaður fyri Fólkaflokkin.

Gjørt sendingina hava Tróndur Olsen og Kári Mikkelsen. 

Hallur av Rana var redaktørur.