"Ov vánaligt politiskt handalag."

"VinnuÓVinarligt tøkugjald."

Ákoyringarnar á Høgna Hoydal, landsstýrismann í vinnumálum, vóru nógvar í tinginum mikukvøldið, tá tingið hevði 1. viðgerð av einum uppskoti hjá Sambandsflokkinum um broytingar í tøkugjaldinum.

Og ákoyringarnar komu frá bæði frá andstøðu og hansara egnu.

Men kann andstøðuuppskotið blíva samtykt?

Karlot Hergeirsson, Árni Skaale, Uni Holm Johannesen og Erhard Joensen, tinglimir í Vinnunevndini, kjakast um málið.

Dátutrygd og kyksilvurkanningar
Fólk, sum eru fødd í 1986 og 1987, og sum vóru partur av kyksilvurkanningum hjá heilsuverkinum, fingu um dagarnar teldupost við viðkvomum persóns upplýsingum.

Men er tað í lagið og í tráð við reglur um dátuvernd, at ein heilsumyndugleiki sendir fólki heilsuupplýsingar og aðrar viðkvæmar upplýsingar á eina hotmail ella gmail adressu?

Vit tosa við fyriskipararnar og serfrøðingar.

Gestir: Karlot Hergeirsson, Árni Skaale, Uni Holm Johannesen, Erhard Joensen, Pál Weihe og Tóri Højgaard.
Gjørt sendingina hava Elin Winther Poulsen, Hallur av Rana og Marjun Dalsgaard, sum var redaktørur.
Tøkningur var Kári Annand Berg.