Løgtingið samtykti í mai í fjør eitt uppskot hjá Sambandsflokkinum, sum heitti á landsstýrið um at koma við uppskoti at geva kommunum heimild at seta vakmyndatól upp í almenna rúminum - men bara í samráð við politiið og eftir tilmæli frá politinum.<br/>
Nú - meira enn eitt ár seinni - er framvegis einki uppskot komið frá landsstýrinum, men málið er sent til ummælis.<br/>
Spurningurin er, hvussu nógv hetta hjálpir í veruleikanum?<br/>
Mong siga, at vakmyndatól skapa ein tryggleika, meðan onnur halda, at vakmyndatól í almenna rúminum er at gera seg inn á okkara privatlív.<br/>
Men hvørjar avleiðingar kann hetta fáa fyri borgararnar? Og hvar gongur markið millum trygd og persónliga frælsið?<br/>
Ger vakmyndatól okkum tryggari - ella eru vakmyndatól ein falskur tryggleiki?<br/>
Gestir: Hervør Pálsdóttir, Kristianna Winther Poulsen, Elsebeth Mercedes Gunnlaugsdóttir og Helgi Abrahamsen<br/>
Vertur: Sigurjón Einarsson