At rúsa seg við sproytum hevur higartil verið óvanligt í Føroyum, men nú er støðan broytt.<br/>
Í Breddanum í dag hitta ein av teimum, sum í mong ár hevur verið rúsevnismisnýtari.<br/>
Hann er ein av teimum, sum meiri verður tosað um, enn við.<br/>
Vit spyrja, hvussu tað er at liva sum misnýtari í Føroyum, hví tað er so trupult at sleppa burtur úr støðuni, og hvat skal til fyri at betra um umstøðurnar?<br/>
Seinni í sendingini verður viðgjørt, hví tað er so trupult at lofta teimum, sum eru ringast fyri.<br/>
Vit spyrja eisini, hvussu hesin trupulleikin kann loysast, og hvør kann loysa hann.<br/>
Gestir: Martin Kúrberg, leiðari á Herberginum, og Magni Højgaard, leiðari í RÓWT.<br/>
Vertur: Birgit Carina Eliasen.