Í gjár kom fíggjarlógaruppskotið fyri 2027. Tað fyrsta frá nýggju samgonguni. <br/>
Rakstraravlopið var 38,5 milliónir krónur, men 25 milliónir krónur fara út aftur beinanvegin at fíggja inntøkuminkingina, ið stendst av, at inntøkumarkið fyri mótrokning í pensjónini verður munandi hækkað.<br/>
Tá tann millumrokningin er gjørd, er avlopið tódnað niður í 13,5 milliónir krónur. <br/>
Avlopið er fingið til vega við sparingum onkrum samanleggingum. <br/>
Ein almennur stovnur, sum kundi hugsað sær nøkur oyru úr landskassanum, er Vørn, sum í løtuni er uttan vaktar- og bjargingarskip, nú bæði Tjaldrið og Brimil liggja - Tjaldrið við brotnum giri og Brimil vegna planlagt viðlíkahald. <br/>
Í fíggjarlógaruppskotinum fær Vørn fýra milliónir krónur til at fyrireika og prosjektera eitt nýtt vaktarskip, sum skal koma í staðin fyri 50 ára gamla Tjaldrið. Landsstýrið ætlar, at nýggja skipið skal verða liðugt 2030.<br/>
Fíggjarlógin og vaktarskipini eru evnini í Breddanum í dag.<br/>
Við í sendingini: Rebekka Joensen, búskaparfrøðingur, Aksel V. Johannesen, landsstýrismaður í fíggjarmálum, Jóhan Simonesen, fyribilsstjóri hjá Vørn, Jóannes Heimustovu, samskipari hjá Vørn og Bárður á Steig Nielsen, landsstýrismaður í uttanríkis- og fiskimálum<br/>
Gjørt sendingina: Birita Matras Petersen, Ingolf S. Olsen og Katrin Johannessen, sum eisini var redaktørur.<br/>
Framleiðari: Herluf Sørensen<br/>
Teknikari: Kári Annand Berg.